毫無疑問，尚羚（Sherine）的人生是精彩而曲折的，而一切都跟香港有關。
生於吉隆坡，年僅18歲的時候，已成為馬來西亞環球小姐（Miss Malaysia Universe 1998）冠軍，之後踏上模特兒之路，長時間手執行李，縱橫四海。及至2003年，因為想親身確認，這個當年仍然奪目耀眼的國際大都會，是否如一班天橋界師姐所言那樣「唔簡單」，她決定向大學申請，轉來香港升學，結果這扇大門打開，將其一生變改。
到埗後沒多久，尚羚已發現自己鍾情於此，「香港好似一塊Magnet（磁石）咁，雖然之後曾經離開過香港，返過去馬拉，又去過台灣、日本同新加坡做Modeling嘅工作，但我都會掛住呢度，（每次）覺得返到嚟，時間都過得好快，同埋好Productive（生產力好高），呢個地方好得意，你想做嘅嘢係可以實現。」曾經在電影擔正做女主角，又試過再度參加選美（亞洲小姐），如今更當上爵士樂歌手和推出專輯，就像遇上神奇魔法那樣，所有事情，所有蛻變，統統都在香港發生。
回望過去，當年決心來港，既是正確選擇，也是幸運，尚羚說：「香港畀咗好多嘢我，好Complete（圓滿），甜酸苦辣乜嘢都有，畀咗好多動力同希望我，」當然包括她一生裏最重要的兩個人：丈夫RubberBand結他手阿正，以及她的女兒Elizabeth，香港已成自己的家。「Home唔係一個Place，唔係一個地方，係一種感覺，當我喺香港嘅時候，我會掛住我嘅家鄉（馬來西亞），香港係我嘅Home，雖然我唔係喺呢度出世，但去到第二個地方，我會掛住香港，好似覺得，我而家已經喺度落地生根，So, I would call Hong Kong my home!（所以我會說香港是我的家！）」
採訪、撰文：游大東
攝影、短片：張駿軒、王嘉欣
鳴謝：環球唱片
場地提供：Coffeelin ─ Happy Valley
問：游大東
答：尚羚
游：我知道你來香港發展有幾個階段，當初因何來港，這裏有甚麼令你一見鍾情？
尚：18年前我第一次來香港，因為當時香港理工大學有個Night studies（晚間課程），讓我（本來）的大學Monash University在這邊Credit transfer（學分轉移），我便過來香港。當我在新加坡做資料搜集時，就覺得，我想去第二個地方，就發現南非與香港，可以去Further（更進一步）我的Studies。
其實我一直都對香港這個地方很好奇，之前我在馬來西亞和新加坡做模特兒的時候，已覺得香港是個很Fast pace（步伐急速）的地方，當時亦都有很多做Modeling的師姐告之：「香港係一個唔係好簡單嘅地方嚟㗎，即係要有好多付出。」按照她們的經驗，給我一種頗Challenging（充滿挑戰）的感覺，那一刻，我很想有自己的故事，所以寫信去理工（申請），便過來香港了。